Xəbərlər

Azərbaycan Elm və Təhsil İşçiləri Həmkarlar İttifaqı Gədəbəy Rayon Komitəsinin təşkil etdiyi tur çərçivəsində Gədəbəy rayonu Səbətkeçməz tam orta ümumtəhsil məktəbinin gəzintisi.

Azərbaycan Elm və Təhsil İşçiləri Həmkarlar İttifaqı Gədəbəy Rayon Komitəsinin təşkil etdiyi tur çərçivəsində Gədəbəy rayonu Səbətkeçməz tam orta ümumtəhsil məktəbinin kollektivi maraqlı və yaddaqalan istirahət günü keçirmişdir. Səfər iştirakçılar tərəfindən xoş təəssüratlarla qarşılanmış, kollektiv ruhunun və səmimi münasibətlərin daha da möhkəmlənməsinə səbəb olmuşdur.

#ATİHİ

#ETİHİ

#asudəvaxt

Gədəbəy rayonu Söyüdlü kənd tam orta ümumtəhsil məktəbinin gəzintisi.

Gədəbəy rayonu Söyüdlü kənd tam orta ümumi təhsil məktəbinin kollektivi, Həmkarlar İttifaqının dəstəyi ilə təşkil olunan səfər çərçivəsində Qəbələ və digər rayonlarda asudə vaxtlarını səmərəli və xoş təəssüratlarla keçirmişdir. Belə səfərlər kollektiv arasında əməkdaşlıq və müsbət münasibətlərin möhkəmlənməsinə öz töhfəsini verir.

#ATİHİ

#ETİHİ

#GƏDƏBƏYRK

Şəki–İsmayıllı istiqamətinə ekskursiya təşkil olunub.

23 may 2026-cı il tarixində Gədəbəy şəhər 2 nömrəli tam orta ümumtəhsil məktəbinin kollektivi həmkarlar təşkilatının dəstəyi ilə Şəki–İsmayıllı istiqamətində ekskursiyada iştirak ediblər.

#AHİK

#ETİHİ

#GƏDƏBƏYRK

ETİHİ Gədəbəy Rayon Komitəsinin dəstəyi ilə təhsil işçiləri Qax və Mingəçevir şəhərinə səyahət ediblər.

ETİHİ Gədəbəy Rayon Komitəsinin dəstəyi ilə təhsil işçilərinin istirahət günlərinin səmərəli təşkili məqsədilə gəzinti və ekskursiyaların təşkili davam edir.

   Gədəbəy rayonu Etibar İsgəndərov adına Hacıalılar kənd tam orta ümumtəhsil məktəbinin kollektivi Qax və Mingəçevir şəhərinə səyahət ediblər.

   Təhsil işçilərinə göstərilən diqqət və qayğıya görə Azərbaycan Həmkarlar İttifaqları Konfederasiyası və Elm və Təhsil İşçiləri Həmkarlar İttifaqı Respublika komitəsinə təşəkkür edirik.

Gədəbəy Rayon Komitəsi tərəfindən rayonun ümumi təhsil məktəblərində görüşlər keçirilib.

Gədəbəy Rayon Komitəsi tərəfindən rayonun ümumi təhsil məktəblərində sanatoriya, kurort və istirahət mərkəzlərinə göndəriş və qeydiyyat prosesi ilə bağlı maarifləndirici görüşlər keçirilib. Görüşlər zamanı həmkarlarımıza müraciət qaydaları, güzəştlər və təşkilati məsələlər barədə ətraflı məlumat verilib.

10 May 2026-cı il tarixində Gədəbəy Peşə Liseyinin müəllim heyəti və əməkdaşları tərəfindən Qəbələ rayonuna ekskursiya təşkil olunmuşdur.

110 may 2026-cı il tarixində Gədəbəy Peşə Liseyinin müəllim heyəti və əməkdaşları Həmkarlar İttifaqı tərəfindən təşkil olunmuş ekskursiya çərçivəsində Qəbələ rayonuna gəzintiyə göndərilmişdir.

Ekskursiya zamanı iştirakçılar rayonun görməli yerləri və istirahət məkanları ilə tanış olmuş, xoş və yaddaqalan anlar yaşamışlar. Bu cür tədbirlər kollektiv üzvlərinin asudə vaxtının səmərəli təşkili, motivasiyanın artırılması və kollektiv münasibətlərinin daha da möhkəmləndirilməsi baxımından xüsusi əhəmiyyət daşıyır.

Gədəbəy rayonunda təhsil işçiləri üçün Novruz bayramına həsr olunmuş tədbir keçirildi

Elm və Təhsil İşçiləri Həmkarlar İttifaqının Gədəbəy rayon komitəsinin təşkilatçılığı ilə Novruz bayramı münasibətilə təhsil işçiləri arasında bayram tədbiri keçirilmişdir.

Tədbir milli-mənəvi dəyərlərimizə uyğun şəkildə təşkil olunmuş, Novruz ənənələrini əks etdirən proqram, musiqi müşayiəti və müxtəlif mədəni-əyləncəli hissələrlə davam etmişdir.

Keçirilən tədbirin əsas məqsədi təhsil işçiləri arasında həmrəyliyin möhkəmləndirilməsi, kollektiv ruhun gücləndirilməsi və bayram əhval-ruhiyyəsinin birgə paylaşılması olmuşdur.

Bu cür tədbirlərin təşkili əməkdaşlar arasında qarşılıqlı ünsiyyətin inkişafına və iş mühitinin daha da sağlamlaşdırılmasına müsbət təsir göstərir.

Novruz bayramınız mübarək!

Novruz bayramı münasibətilə Gədəbəydə silsilə görüşlər və bayram tədbirləri keçirildi

Elm və Təhsil İşçiləri Həmkarlar İttifaqının Gədəbəy rayon komitəsinin təşkilatçılığı ilə Novruz bayramı münasibətilə rayon ərazisində fəaliyyət göstərən uşaq bağçalarında silsilə ziyarətlər və görüşlər həyata keçirildi.

Tədbirlər çərçivəsində körpə fidanlarımızın sevinc dolu dünyasına qonaq olduq, onların bayram əhval-ruhiyyəsini bölüşdük və Novruzun gətirdiyi yenilənmə, sevinc və ümid hisslərini birlikdə yaşadıq. Uşaqlara xüsusi hazırlanmış bayram hədiyyələri təqdim olunaraq onların üzündə təbəssüm yaratmaq, bu əziz günün yadda qalan xatirələrə çevrilməsi məqsəd götürüldü.

Eyni zamanda uşaq bağçalarında çalışan pedaqoji heyət, texniki işçilər, ümumilikdə bütün əməkdaşlar və rəhbər şəxslər də diqqət və qayğı ilə əhatə olundu. Onlara Novruz bayramı münasibətilə hədiyyələr təqdim edilərək göstərdikləri zəhmətə və uşaqların tərbiyəsində oynadıqları mühüm rola görə təşəkkür ifadə olundu.

Bu cür tədbirlərin keçirilməsi yalnız bayram ənənələrinin yaşadılması deyil, eyni zamanda kollektiv daxilində birlik, həmrəylik və qarşılıqlı dəyər vermə hissinin daha da gücləndirilməsi baxımından xüsusi əhəmiyyət daşıyır.

Novruz bayramı xalqımızın ən qədim və ən əziz bayramlarından biri olmaqla yanaşı, yeni başlanğıcların, saf niyyətlərin, ümidlərin və paylaşmağın rəmzidir. Bu bayramın ruhuna uyğun olaraq həyata keçirilən bu təşəbbüs hər kəs tərəfindən böyük məmnunluq və sevinclə qarşılandı.

Gədəbəy rayon komitəsi olaraq məqsədimiz yalnız bayram günlərində deyil, hər zaman təhsil işçilərinin yanında olmaq, onların sosial rifahına və mənəvi dəstəyinə töhfə vermək, eyni zamanda gələcəyimiz olan uşaqların sevincinə ortaq olmaqdır.

İnanırıq ki, bu cür görüşlər və təşəbbüslər gələcək nəsillərin daha sağlam, xoşbəxt və dəyərlərinə bağlı şəkildə yetişməsinə xidmət edir.

Qoy Novruz bayramı hər bir ocağa ruzi-bərəkət, sevinc, sağlamlıq və xoş günlər gətirsin!

Novruz bayramınız mübarək!

Gədəbəy Təhsil işçiləri arasında keçirilən şahmat yarışı

Ümummilli Lider Heydər Əliyevin anadan olmasının 103-cü ildönümünə həsr olunmuş təhsil işçiləri arasında şahmat yarışı uğurla yekunlaşdı.

Elm və Təhsil İşçiləri Həmkarlar İttifaqı Gədəbəy Rayon Komitəsinin təşkilatçılığı ilə keçirilən yarışın əsas məqsədi Ulu Öndərin zəngin irsinin təbliği, təhsil işçiləri arasında intellektual mühitin gücləndirilməsi və sağlam rəqabət ruhunun təşviq edilməsi idi.

Yarış gərgin və maraqlı mübarizə şəraitində keçmiş, iştirakçılar yüksək intellektual bacarıq və ustalıq nümayiş etdirmişlər.

Yarışın qalibi İmamquliyev Tural İmamqulu oğlunu və digər qalibləri ürəkdən təbrik edir, bütün iştirakçılara gələcək fəaliyyətlərində uğurlar arzulayırıq.

Elm və Təhsil İşçiləri Gədəbəy rayon komitəsi tərəfindən ekskursiya

Elm və Təhsil İşçiləri Gədəbəy rayon komitəsi tərəfindən bir qrup həmkar üzvü Şəki,Zaqatalavə Balakən rayonlarına ekskursiya təşkil edildi.

8 Mart – Beynəlxalq Qadınlar Günü münasibətilə Gədəbəy Rayon Komitəsində tədbir təşkil edilib

8 Mart – Beynəlxalq Qadınlar Günü münasibətilə Gədəbəy rayonu Təhsil İşçiləri Həmkarlar İttifaqı (ETİHİ) tərəfindən rayonun təhsil müəssisələrində çalışan bir qrup qadın əməkdaş təbrik edilib.

​Tədbir çərçivəsində qeyd olunub ki, gənc nəslin yetişməsində, savadlı və vətənpərvər vətəndaş kimi formalaşmasında qadın müəllimlərin rolu əvəzsizdir. ETİHİ tərəfindən xanımlara fəxri fərmanlar və bayram hədiyyələri təqdim olunaraq, onlara gələcək fəaliyyətlərində uğurlar arzulanıb. Diqqət və qayğı ilə əhatə olunan xanım pedaqoqlar göstərilən bu münasibətə görə minnətdarlıqlarını bildiriblər.

Gədəbəy Peşə Liseyinin Tələbə Həmkarlar İttifaqı

📝Gədəbəy Peşə Liseyində təhsil alan 360 nəfər tələbə həmkarlar ittifaqına üzv olub

Gədəbəy Peşə liseyində tələbələrin iştirakı ilə iclas keçirilib. İclasda ETİHİ Gədəbəy Rayon Komitəsinin sədri Zakir Orucov, Liseyin direktoru Əlviz Gülməmmədov, ETİHİ Respublika Komitəsi sədrinin baş müşaviri Pərvanə İsmayılova , sədrin müşaviri Natiq Zamanov  iştirak edərək ETİHİ həmkarlar ittifaqının fəaliyyəti və görülmüş işlər barədə məlumat verilib, görülən işlər iştirakçıların diqqətinə çatdırılıb. 

İttifaqın fəaliyyəti ilə tanış olan 400 nəfər tələbənin 360 nəfəri ETİHİ-yə üzv olmağa razılıq veriblər.Tədbirdə açıq səsvermə yolu ilə Gədəbəy Peşə Liseyində təhsil alan 400 tələbədən 360 nəfəri könüllü şəkildə həmkarlar ittifaqına üzv qəbul olunub. Daha sonra təşkilati məsələlərə baxılıb. 

Ləman Nəsirova Gədəbəy Peşə Liseyinin Tələbə Həmkarlar İttifaqı Komitəsinin sədri seçilib